Cantiga de arrolhar (Mirandes)

Setembro 24, 2005 às 5:40 pm | Publicado em Uncategorized | 2 comentários

Ró… Ró…

Cul ró,ró!
Se drume l nino,
cul ró, ró!
Se bai drumindo.

Oh! ró,ró
Oh! ró,ró
que agora ,nó!

You amanhana
bou l molino,
se me quieres algo
sal-me l camino.

Oh! ró,ró
Oh! ró,ró
que agora, nó !

Se tu quieres i you quiero
pega na capa i bamos,
l camino ye de todos,
la capa ye de nós ambos.

Oh! ró, ró,
Oh! ró, ró,
que agora, nó!

Se tu quieres i you quiero
todo se há-de arranjar
you sou mulhier subreciente,
pa la casa gobernar.

Oh! ró,ró,
Oh! ró, ró,
que agora, nó!

Bai-te dende
cabeça de lhana,
que l pai de l nino
yá stá na cama,

Oh! ró,ró,
Oh! ró, ró,
que agora, nó!

Home de fuora
que stás ne l telhado,
l pai de l nino
yá stá deitado…

Oh! ró, ró,
Oh! ró, ró,
que agora, nó!